Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Í løtuni hoyra vit fleiri boð upp á, hvussu vit loysa starvsfólkatrotið á vælferðarøkinum. Onkur nevnir serskattaskipan við skattafrádrátti. Onnur nevna útlendska arbeiðsmegi. Men sjálvandi mugu vit byrja við lønini hjá starvsfólkunum, sum longu arbeiða á økinum.

Landsstýrið og kommunurnar eru arbeiðsgevarar hjá starvsfólkunum. Tað er arbeiðsgevarin, sum ásetur lønina. Tí ber væl til hjá politiska myndugleikanum at hækka lønina. Og tað er tað, vit skulu gera, áðrenn tað er ov seint.

Tað tykist sum, at allar aðrar óumhugsaðar loysnir skulu finnast áðrenn uppløgdu loysnina, sum er at hækka lønina. Tað loysir ikki alt, men tað er ein góð byrjan.

Føroyar hava brúk fyri arbeiðsmegi, og vit mugu tillaga okkum eftir tørvinum, sum er. Men amboðið er ikki at veita frádráttir í skattalógini ella innflyta útlendska arbeiðsmegi. Loysnin er at geva verandi starvsfólkum eitt lønarlyft, sum tey hava uppiborið.

Javnaðarflokkurin hevur lagt fleiri uppskot fram, sum kunnu gera stórar batar:

· At hækka lønirnar hjá starvsfólkum á umsorganarøkinum.

  • At stytta arbeiðsvikuna niður í 37 tímar yvir eitt ávíst áramál. Hetta fer at geva betri arbeiðsumstøður og geva eina lønarhækkan, tí 37 tímar fara at geva somu løn sum 40 tímar gera í dag.

  • Rætturin at arbeiða fulla tíð skal tryggjast, so tey, sum vilja, fáa møguleika at arbeiða fulla tíð.

  • Neyðugt er eisini at útbúgva fleiri fólk á økjunum. Ein máti er at fáa skipanina við førleikameting og vaksnamannalæru at virka. Vaksnamannalæra merkir, at tilkomin fólk kunnu læra við eini hægri løn enn útbúgvingarstuðulin er í dag og ger hetta, at fólk við børnum kunnu fara undir útbúgving uttan at vera bangin um, at tey ikki megna at halda sína forsyrgjaraskyldu.

Einki uppskot hevur fingið undirtøku frá samgonguni. Men vit fella ikki í fátt. Vit halda fram við at arbeiða fyri hesum broytingunum, tí vit eru sannførd um, at gerast hesi viðurskiftini betri, so eru vit væl á veg.

Eyðgunn Samuelsen,
tingkvinna fyri Javnaðarflokkin

Um tú veitst okkurt, sum VP ikki veit - skriva so til vp@vp.fo