Faksið, halin og ullin í heila tikið eru sera væl varðveitt og tað sama er galdandi fyri innvølin. Granskarar brúka orðið 'perfekt' tá teir lýsa fylið, sum teir meina varð folað fyri eini 40.000 árum síðani men so doyði einar tríggjar mánaðar gamalt.
Fylið varð funnið í permafrosti í russiska Sakha-Jakutien lýðveldinum har eysturi í Sibiria, skrivar Siberian Times. Í sama øki eru áður funnar fleiri leivdir av mammutum.
- Hetta er fyrstferð í søguni at nakar ger ein slíkan fund sum henda, har hesturin er so ungur og væl varðveittur, sigur stjórin fyri mammut savnið í Yakutsk, Semyon Grigoryev, sum var við til at finna fylið, við Siberian Times.
Um tú veitst okkurt, sum VP ikki veit - skriva so til vp@vp.fo