Japanska skipið Montevideo Maru varð torpederað útfyri filipinsku strondini 1. juli 1942. Umborð vóru yvir 1.000 krígsfangar, teir flestu australienarar.
Ein amerikanskur kavbátur sendi torpedoirnar eftir Montevideo Maru, og aftaná segði skiparin á kavbátinum, at hann ikki visti, at krígsfangar vóru umborð á japanska skipinum.
Australski forsætisráðharrin, Anthony Albanese hevur sagt seg fegnast um, at vrakið er funnið, og hann vónar at tað kann geva teimum, sum enn syrgja síni kæru sum sjólótust, troyst og ugga.
Um tú veitst okkurt, sum VP ikki veit - skriva so til vp@vp.fo