Heilsuverkið í Kina er undir trýsti í hesum døgum við metnógvum koronasmittaðum.
Hetta greiða fleiri starvsfólk á sjúkrahúsinum Huaxi í býnum Chengdu frá fyri tíðindastovuni Reuters.
- Eg havi havt hetta arbeiðið í 30 ár, og hetta er tað strævnasta, eg nakrantíð havi upplivað, fortelur ein ambulansuførari.
Uttanfyri skaðastovuna standa fólk í longum bíðirøðum ímillum sjúkrahúsið og eina klinikk, sum liggur beint við. Tey flestu av teimum, sum koma í sjúkrabilum, fáa súrevni.
- Næstan øll tey sjúku hava kovid-19, fortelur ein apotekari á klinikkini.
Zhang Yuhua, ein embætismaður á sjúkrahúsinum Chaoyang í Beijing, sigur, at teir flestu sjúklingarnir eru eldri persónar, sum eru álvarsliga sjúkir og hava kroniska sjúku at dragast við.
Um tú veitst okkurt, sum VP ikki veit - skriva so til vp@vp.fo
