Tað hevur verið ein hørð spreinging í Havana á Kuba.
Tað skrivar kubanska netavísin 14Ymedio og fleiri aðrir lokalir miðlar, skrivar NRK.
Fleiri hæddir á hotellinum Saratoga eru skaddar. Íbúðahúsið tætt við er eisini illa farið og ein skúli hevur mist hurðar og vindeygu, skrivar avísin. Ein lítil handil er eisini sundursorlaður.
Orsøkin til spreingingina er ikki kend. Sambært netmiðlinum Cubadebate verður nevnt at spreingingin møguliga hevur samband við at flótandi gass var tømt úr lastbili, skrivar NRK.
Um tú veitst okkurt, sum VP ikki veit - skriva so til vp@vp.fo