Buurtzorg-modellið verður nú brúkt í øllum Hollandi og verður kopierað fleiri staðni runt um í heiminum - eisini í Danmark.

Maðurin handan modellið er Jos de Blok, og hann verður kallaður einki minni enn "Steve Jobs innan eldrarøktina."

Tá ið danska TV 2 var og hitti hann á skrivstovu hansara í hollendska ídnaðarbýnum Almelo, er hann í svørtum klæðum: jeans, skjúrtu, skóm, Apple Watch, og um stólin hongur ein svartur leðurjakki. Ein mynd av Che Guevara sæst aftanfyri.

- Okkum tørvar eina revolusjón – eisini í eldrarøktini, sigur Jos de Blok.

Jos de Blok er útbúgvin sjúkrarøktarfrøðingur, og tá ið hann í 2006 byrjaði Buurtzorg, var tað av frustrasjón: Sjúkrarøktarfrøðingar rýmdu úr starvinum, og heimahjálpaskipanin var sera hierarkisk og bureaukratisk, sigur hann.

- Stutt sagt so var eg illur inn á skipanina. Alt var so sundurpettað, og kjarnin var burt, sigur Jos de Blok.

Kjarnin er sambært honum umsorgan og borgarin, sum tørvar røkt.

Visjónin hjá Jos de Blok er, at hugsast skal niðrifrá og upp, ikki øvut.

Les meira her