Í dag er fyrsti harudagur, og vanliga fara nógvir harumenn í nógvum bygdum fyrsta túrin at skjóta harur í dag. Men kanska eru fleiri setstir aftur, tí veðrið skal helst vera til vildar, tað vil siga, ikki ov nógv regn, tí tá er ikki so nógv hara at síggja.
Sambært samanteljingum sum Eyðfinn Magnussen, lívfrøðingur, hevur gjørt seinastu 10 árini verða í miðal 6.390 harur skotnar í Føroyum hvørt ár. Tó er hugsandi, at talið er størri, tí ikki alt, sum verður skotið, verður skrásett.
Besta árið sambært uppteljingunum hjá Eyðfinni var fyrraárið tá 9.562 harur vórðu skotnar.
Loyvt er at skjóta haru til 1. januar.
Um tú veitst okkurt, sum VP ikki veit - skriva so til vp@vp.fo