Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Innlendis ítróttur

Flogbóltssamband Føroya: FM-finalu vikuskifti fyri yngru liðini í flogbólti á Tvøroyri heldur áfram í dag, og dagsins fyrsti dystur er nú leiktur.

Dreingir 16 hjá ÍF eru júst vorðnir føroyameistarar. Fyrst í mars vunnu hesir dreingirnir eisini steypafinaluna ímóti Ternuni, og harvið kann ÍF kalla seg greipuvinnarar.

Liðið úr Fuglafirði leikti finalu ímóti SÍ og vóru greitt omaná og vunnu 3-0, hóast 2. og 3. sett vóru rættuliga tøtt.

ÍF hevur í ár valt at lata hesar ungu dreingirnar fáa munandi leiktíð á besta liðnum hjá ÍF í Føroya Tele deildini, og hetta sást aftur í dystinum í dag, har ÍF ongan iva lat vera um, at teir vóru betra liðið.

Á liðnum hjá SÍ leikti Eydna Henriksen, sum veruliga legði trýst á ÍF liðið við sínum góðu servum - serliga í 2. settið og sum hevari megnaði hon at fáa tað besta burturúr Matheo Eystberg og Róar í Haraldstovu í álopspartinum hjá SÍ.

Dagsins leikari fyri ÍF varð Filip Ilic og dagsins leikari fyri SÍ varð Matheo Eystberg.

Allir dystirnir síggjast á Rás 1 á Televarpinum.

Um tú veitst okkurt, sum VP ikki veit - skriva so til vp@vp.fo