Tað er fyribils ikki blivið, sum nógv høvdu væntað og vónað. Donsku brúkaraprísirnir sum seinasta árið eru farnir beint upp í loft, hava ikki rokkið toppin, men halda fram at vaksa. Í august mánað var prísvøksturin 8,9% í mun til somu tíð árið fyri. Í septembur var prísvøksturin 10% og nú gjørt er upp fyri oktobur er greitt, at vøksturin er 10,1%.
- Hetta eru øðilig tøl. Prísvøksturin er tann størsti í 40 ár og ger, at ein miðal barnafamilja skal av við nógv meira pengar, skulu tey hava sama livistandard. Hetta er ikki tað, sum vit høvdu vónað, sigur Jeppe Juul Borre, búskaparfrøðingur í Arbejdernes Landsbank.
Serliga el og brennievni eru vorðin nógv dýrari, ímeðan ymsar matvørur og gas gjørdis bíligari.
Um tú veitst okkurt, sum VP ikki veit - skriva so til vp@vp.fo
