Høgi oljuprísurin ger, at Russland ikki merkir nakað til búskaparligu tiltøkini, sum vesturheimurin hevur sett í verk. Tað sigur russiski uttanríkisráðharrin, Sergej Lavrov, sambært Reuters.
Vesturheimurin hevur lagt seg eftir at keypa minni av olju og gassi úr Russlandi, men tað hevur verið við til at trýsta prísin upp, og tað er als ongin trupulleiki at sleppa av við oljuna aðrastaðni, sigur Sergej Lavrov.
- Olja er ikki nakað politiskt amboð, tí eftirspurningurin er altíð har, og vit hava aðrar marknaðir har eftirspurningurin er vaksandi, sigur russiski uttanríkisráðharrin.
ES hevur samtykt at minka innflutningin av russiskari olju við tveimum triðingum alt fyri eitt, og ætlar at minka innflutningin við minst 90% áðrenn árslok.
Um tú veitst okkurt, sum VP ikki veit - skriva so til vp@vp.fo