Vinna
Eftir eitt óvanliga gott ár í 2019 eru tølini hjá IR Lastbilum í Kollafirði aftur sum tey plaga - og tað er heldur ikki so galið.
IR Lastbilar høvdu nevniliga 5,5 mió kr í yvirskoti í 2019, men í fjør var yvirskotið 2,8 mió kr, sum líkist tí sum hevur verið vanligt tey seinastu nógvu árini. Taka vit til dømis 10 tey seinastu árini, so hevur vinningurin eftir skatt verið í miðal 2,5 mió kr árliga.
IR Lastbilar er ein sterk fyritøka við góðum gjaldføri og eini fíggjarogn sum javnvigar við 52,6 mió kr og eini eginogn uppá 19,7 mió kr.
Stjóri er Rasmus Rasmussen.
Um tú veitst okkurt, sum VP ikki veit - skriva so til vp@vp.fo
