Iran hevur avrættað landsins fyrrverandi vara verjumálaráðharra, Alireza Akbari. Tað skrivar BBC.
Alireza Akbari var bæði iranskur og bretskur ríkisborgari, og hann varð í síni tíð handtikin tá hann kom aftur til Iran eftir at hava verið í Bretlandi í eina tíð.
Sjálvur hevur hann sagt, at hann bleiv píndur í varðhaldinum, fyri at viðganga at hann njósnaðist ímeðan hann var partur av ovastu leiðsluni í landinum.
Bretski forsætisráðharrin Rishi Sunak skrivar í morgun í einum tweet boðum, at hann er skelkaður av at iransku myndugleikarnir hava gjørt álvara av at avrætta Alireza Akbari, og at tað fer at fáa avleiðingar fyri viðurskiftini ímillum londini.
Um tú veitst okkurt, sum VP ikki veit - skriva so til vp@vp.fo
