Íslendski filmurin ’Hrútar’ (Veðrar) er um tveir brøður, sum eru bøndur og ikki hava tosað saman í 40 ár.
Í søguni er ridluskriði staðfestur í hagapørtunum, og brøðurnir, sum eru grannar, noyðast at samskifta.
Í dag fekk filmurin fyrstu virðisløn á altjóða flmstevnu í Zürich í Sveis.
Íslendingar hava meldað filmin til Oscarkappingina, sum verður hildin í Hollywood 26. februar í 2016. Um ’Hrútar’ kemur við í endaligu kappingina verður kunngjørt 14. januar 2016.
Íslendski filmurin ’Börn nátturinnar’ varð í 1991 millum teir fimm filmarnar, sum umboðaðu alla verðina og kappaðust um Oscarvirðislønina fyri besta útlendska film tað árið.
’Hrútar’, sum hevur vunnið fleiri virðislønir, verður vístur í Filmsfelagnum í Havnar Bio næsta ár.
Um tú veitst okkurt, sum VP ikki veit - skriva so til vp@vp.fo
