James Dean, sum doyði í eini ferðsluvanlukku í 1955, spælir við í nýggja filminum "Finding Jack" sum verður í biografunum næsta ár. Tað ger hann, hóast hann hevur verið deyður í 64 ár.
Tað er teldugjørdar myndir sum verða brúktar til filmin og ein annar sjónleikari fer at leggja rødd til.
Anton Ernst, sum er ein av leikstjórunum, sigur, at familjan hjá James Dean hevur givið loyvi, og teir fara at gera nógv fyri ikki at skala eftirmæli, sum James Dean annars hevur havt síðani hann lat lív.
Um tú veitst okkurt, sum VP ikki veit - skriva so til vp@vp.fo