Hevur Jenis av Rana latið seg koppseta fyri at kunna røkja sítt arbeiði sum landsstýrismaður í uttanríkismálum?
Hevur hann verið í einum brúdleypi, har tíggjutals fólk seinni eru testað positiv fyri koronu?
Og um landsstýrismaðurin ikki er koppsettur, og hevur verið í áðurnevnda brúdleypi, hevur hann so verið í sóttarhaldi?
Ingilín D. Strøm, løgtingskvinna fyri Javnaðarflokkin, vil nú hava greið boð frá landsstýrismanninum í uttanríkismálum, Jenisi av Rana.
Tað var í grein her á VP í mai mánað, at landsstýrismaðurin varð spurdur um leysatíðindini um, at hann ikki ætlaði at lata seta koppseta, vóru sonn. Og tað váttaði landsstýrismaðurin.
Seinni hava fólk dúgliga gitt á sosialum miðlum, um landsstýrismaður virdi tilmælini um sóttarhald ella fór av landinum í arbeiðsørindum, ókoppsettur og uttan at hava verið í sóttarhaldi, og harvið útsetti onnur fyri smittu.
Hesum skal landsstýrismaðurin nú greiða frá í svari uppá fyrispurningin frá tingkvinnuni.
Um tú veitst okkurt, sum VP ikki veit - skriva so til vp@vp.fo