Jenis av Rana, menta- og uttanríkismálaráðharri, hevur havt koronu og roknar við at hann verður aftur til arbeiðis týsdagin, um ikki sjúkugongdin verður verri enn hon er nú.
Jenis av Rana fekk staðfest koronu fríggjadagin, og hann sigur um sjúkugongdini, at hon hevur verið sum "ein klassisk influensa."
- Eg hevði eitt sindur av høvuðpínu, og pínu í kroppi og hálsi, og eitt sindur av fepuri í tveir dagar, sigur Jenis av Rana við VP.
Hann fekk staðfest koronu fríggjadagin, men longu hóskvøldið kendi landsstýrismaðurin á sær, at antin influensa ella korona vóru á veg.
- Og fríggjadagin vísti so kanningin, at eg hevði koronu, og at talan var um omikron, sigur Jenis av Rana.
Um tú veitst okkurt, sum VP ikki veit - skriva so til vp@vp.fo
