JFK samtakið í Klaksvík hevði 30 milliónir krónur í vinningi í fjør. Tað skal samanberast við 9,3 mió kr árið fyri.
Við í samtaksroknskapinum eru dóttirfeløgini JFK Trol, JFK Seafood og Kvikk. Assosierað feløg eru Kósin og Malik Seafood Aps í Grønlandi. Samtakið eigur skipini Gadus, Stjørnuna, Polarhav, Safir, Smaragd, Grønanes og Kvikk.
Sambært Vinnuvitan.biz var nettosølan áleið tann sama sum í fjør, ella smáar 5 mió kr. Men tað er úrslitið av kapitalpørtunum sum veruliga sæst aftur. Tað var 14 mió kr í 2018 og 33,6 mió kr í fjør.
Fíggjarstøðan javnvigar við 343 mió kr og eginognin er 270 mió kr.
Um framtíðina verður sagt, at nýggja fiskivinnulóggávan, sum kom í gildi á nýggjárinum, gevur vinnuni tryggar karmar. Hinvegin áleggur hon eisini tilfeingisgjald á fiskiskapin í Barentshavinum, og tað førir við sær hægri kostna fyri kvotur í 2020 enn í 2019, sigur leiðslan í frágreiðingini.
Um tú veitst okkurt, sum VP ikki veit - skriva so til vp@vp.fo
