Nettosølan hjá samtakinum J&K Petersen Contractors Pf minkaði 10 mió kr í fjør og sama minking varð førd niður á botnlinjuna.
Úrslitið eftir skatt var 6,3 mió kr í fjør í mun til 16,6 mió kr í 2019. Men tað er annars ongin samanbering, tí nógvir útreiðslupostar eru á vegnum frá topp- til botnlinju, og hesir sveiggja allir sum vera mann henda- og handaveg.
J&K Petersen fáast serliga við stór anleggsarbeiði, eitt nú bygging av havnaløgum og líknandi.
Tað eru serliga dóttirfeløgini sum spjaða væl til raksturin. Uttan kapitalpartar var úrslitið hjá J&K Petersen Contractors Pf einans 78 tkr. Dóttirfeløgini eru eitt nú J&K Betong, J&K Ognir og Miðvágs Grót umframt eisini eitt dóttirfelag í Íslandi.
Fíggjarstøðan javnvigar við sløkum 130 mió kr og eginognin er við árslok 66 mió kr.
Um tú veitst okkurt, sum VP ikki veit - skriva so til vp@vp.fo
