Republikanski formaðurin í Umboðsmannatinginum, Kevin McCarthy, hevur í kvøld tosað við forsetan, Joe Biden, í telefon.
Tað sigur hann við NBC News.
Teir tosaðu um skuldarloftið, sum má hækka um ikki alt alment í USA skal steðga upp.
Í morgin fara teir at seta seg saman at tosa undir fýra eygum.
- Vit fara at loysa nakrar av álvarsamastu trupulleikunum, men eg havi verið púra greiður frá byrjanini. Vit noyðast at minka penganýtsluna, segði formaðurin í Umboðsmannatinginum við NBC.
USA hevur ongantíð skylda so nógv sum nú, og neyðugt er at hækka loftið, so tað almenna ikki steðgar upp, eitt nú tí lønir ikki verða goldnar.
Tað kann fáa avleiðingar fyri allan heimin, um tað hendir.
Um tú veitst okkurt, sum VP ikki veit - skriva so til vp@vp.fo
