Valurslit.fo: Jógvan á Lakjuni, Fólkaflokkurin, og Annita á Fríðriksmørk, Tjóðveldi, stilla hesaferð upp til fólkatingsval fyri 10. ferð upp í slag.
Tey bæði stillaðu upp fyrstu ferð í 1990.
Ta ferðina fekk Jógvan á Lakjuni 85 atkvøður, og Annita á Fríðsriksmørk fekk 204 atkvøður.
Besta persónliga fólkatingsvalið hjá Annitu á Fríðríksmørk var í 2007, tá ið henni eydnaðist at fáa 625 persónligar atkvøður.
Jógvan á Lakjuni gjørdi besta persónliga hálið á seinasta fólkatingsvalið í 2019 við 481 persónligum atkvøðum.
Trý valevni, sum bjóða seg fram hesaferð, stillaðu eisini upp til fólkatingsval í áttatiárunum.
Fyrsta fólkatingsvalið hjá Henriki Old, Javnaðarflokkurin, var longu í 1984. Fólkatingsvalið hesaferð verður hansara níggjunda í alt.
Helgi Abrahamsen, Sambandsflokkurin, stillaði upp til fólkatingsvalið í 1987. Fólkatingsvalið hesaferð er hansara áttanda í røðini.
Bill Justinussen, Miðflokkurin, var fyrstu ferð valevni til eitt fólkatingsval í 1988. Ta ferðina stillaði hann upp fyri Kristiliga fólkaflokkin, Føroya framburðs- og fiskivinnuflokkin. Valið hesaferð er hansara sjeynda fólkatingsval.
Sí valurslit.fo her
Um tú veitst okkurt, sum VP ikki veit - skriva so til vp@vp.fo