Jón Magnus Joensen hevur framsýning í Riberhús í Fuglafirði fram til 23 september. Við á framsýningini eru 29 verk.
Áhugin hjá Jón at mála byrjaði longu, tá ið hann var 13 ár. Áðrenn tað hevði honum altíð dámt at tekna. Jón sýndi fyrstu ferð fram á Ólavsøkuframsýning sum 15 ára gamal. Síðan luttók hann mangan á hesi framsýning – eisini tá ið hon seinni varð sensurerað.
Sum 21 ára gamal sýndi hann einsamallur fram í Smiðuni í Lítluvík í Havn. Her hevur hann mangan sýnt fram síðan tá og ymsa aðrastaðni við.
Í 2003 var Jón á málaraskúla í Holbæk.
Myndevnini eru úr náttúruni bæði í bygdum og óbygdum. Ljósið spælir mangan ein leiklut.
Jón er argjamaður og býr í dag á Toftum.
Á framsýningini í Riberhús hevur Jón bæði málningar og eisini fleiri myndevni í papmaché og rammu í ymsum støddum.
Opið er gerandisdagar frá kl. 15.00 til 17.30 og leygardag frá kl. 11.00 til 14.00
Um tú veitst okkurt, sum VP ikki veit - skriva so til vp@vp.fo
