Henda mánaðin hevur listakvinnan, Jóna Birgit Nattestad, framsýning í Eik Banka.
Jóna Birgit byrjaði at mála í 2006 og spenna hennara listarverk víða; alt frá landskapi til abstrakt. Íblásturin fær hon altíð úr føroysku náttúruni; bæði litir og skap.
Serliga hava portrett hennara stóran áhuga, har andlitini fáa sítt egna skap og úttrykk.
Teir minnu málningarnir á vegginum eru báðir við áblástri úr Gásadali, har Jóna Birgit sum 16 ára gomul búdi í eitt ár, meðan hon var lærari har. Hon vendir javnan aftur hagar at finna íblástur og friðin í náttúruni.
Jóna Birgit hevur luttikið á nógvum skeiðum bæði uttanlands og í Føroyum. Eisini hevur hon havt fleiri sjálvstøðugar framsýningar eins og hon undirvísir børnum á kvøldskúla.
Um tú veitst okkurt, sum VP ikki veit - skriva so til vp@vp.fo
