Tað er spanska fyritøkan Vortex Bladeless sum stendur fyri uppfinningini, sum eftir ætlan skal kunna framleiða el úr vindi, men ikki sum vit kenna tað, við vindmyllum, nei, úr ristingunum sum vindurin skapar.
The Guardian skrivar, at serliga væl egnað er tøknin framvið har sum nógv ferðasla er, eitt nú nærhendis einum motorvegi.
Almenna norska oljufelagið Equinor (fyrr Statoil) hevur útnevnt uppfinningina hjá Vortex Bladeless sum eina av 10 teimum mest spennandi uppfinningunum innan orkuloysnir, og hevur eisni játtað beinleiðis peningaligan stuðul til tess at menna tøknina.
Teir líkjast onkrum heilt øðrum, er tað fleiri sum við einum skálkabrosi hava víst á. Men gongst sum ætlað fara 'skybrators' pinnarnir at kunna framleiða grøna orku uttan at nerva umhvørvið.
The Guardian hevur meira eins og eisini eitt videobrot sum vísir hvussu "skybrators" virka.
Um tú veitst okkurt, sum VP ikki veit - skriva so til vp@vp.fo