Frá 8. januar næsta ár verður tað ikki longur eitt krav, at fólk skulu í karantenu, tá tey koma til Kina.
Tað einasta kravið fyri at sleppa inn í fólkaríka landið í nýggja árinum verður eitt negativt kanningarúrslit.
Hetta skrivar vg.no.
Seinstu tíðina hava nógv fólk í Kina verið rakt av korona. Mett verður, at upp ímóti 250 milliónir kinverjar hava havt koronavirus bara í desember mánaði.
Síðst í november og tíðliga í desember fóru nógvir borgarar í landinum út at gøturnar at mótmæla móti strongu koronatiltøkunum, og myndugleikarnir góvu eftir og linkaðu tiltøkini.
Um tú veitst okkurt, sum VP ikki veit - skriva so til vp@vp.fo