Vinna
Í januar og februar í ár útflutti Kina yvir 60% meira til útlond enn somu tíð í fjør. Innflutningurin úr útlondum vaks 22% sama tíðarskeið.
Tað vísa almenn tøl sum eru kunngjørd í Kina í dag.
Tað er tó ein døpur orsøk til tølini, og hon er sjálvsagt korona. Tí um hesa tíðina í fjør var Kina sera meint rakt av sóttini.
Serliga elektronikkur og klædnavørur verða útflutt - eitt nú verða munnbind tikin fram sum ein ekportvøra, sum hevur sett ferð á útflutningin.
Kina hevur fingið tamarhald á korona virusinum. So skjótt sum tað vísir seg, verður tað avbyrgt við umfatandi avmarkingum, skrivar ritzau.
Um tú veitst okkurt, sum VP ikki veit - skriva so til vp@vp.fo
