Klaksvíkar kommuna: Dagføring av Stangavegnum byrjaði í 80´unum, men steðgaði upp, tá kreppan rakti Føroyar í 1992. Seinnu árini hevur lítið verið gjørt við vegin, men fyri nøkrum árum síðani samtykti Klaksvíkar Býráð, at nú skal vegurin gerast liðugur, og hevur býráðið leypandi sett pening av til arbeiðið. Avsetti peningurin, sum í ár er uml. 4 mió. kr., verður brúktur til vegabreiðkan og gongubreyt.
Í hesum døgum verður arbeitt oman fyri Heilsøluna og Borg, har garður verður gjørdur, soleiðis at pláss er fyri gongubreytum á báðum síðum. Vegadeildin fremur arbeiðið og Kanjon hevur stoypt elementir, sum verða brúkt.
Um tú veitst okkurt, sum VP ikki veit - skriva so til vp@vp.fo