Tak ikki lívið í ov stórum álvara. Tú sleppur ikki frá tí livandi kortini
- ókendur

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vágatíðindi

Sambært hagtøl, ið kunnu lesast á heimasíðuni hjá tunnilsfeløgunum, er túratalið mundandi lægri í 2020 enn í 2019.

Serliga stór er minkingin í Vágatunlinum, meðan Norðoyatunnilin næstan heldur tørn.

Í januar og februar í ár var ein øking í ferðsluni samanborið við somu mánaðir í 2019.

Men í mars kom broytingin.

Korona hevur serliga rakt flogferðsluna og tað er tí ikki løgið, at talið av bilum í Vágatunlinum er minkað nógv meira enn í Norðoyatunlinum.

Longu í juni í ár hevði Norðoyatunnilin eina ferðsluøking samanborið við juni í 2019 og henda øking hevur staðið við, tó við undantaki av august, har minkingin var stór.

At eingin summarfestivalur ella sjómannadagur var hildin í ár, sæst aftur í hagtølunum í Norðoyatunlinum fyri august.

Fyrstu 11 mánaðirnar í ár hevur minkingin í Vágatunlinum verið umleið 18,3%, meðan minkingin í Norðoyatunlinum hevur verið 3,1%.

Niðanfyri er ein talva sum vísir miðalferðsluna pr. dag frá januar til november og broytingina samanborið við undanfarna ár.

Um tú veitst okkurt, sum VP ikki veit - skriva so til vp@vp.fo