Í juli og august fara Norðoya Apotek, Eysturoyar Apotek og Tjaldurs Apotek at samstarva um koronukoppsetingarnar.
Hetta tíðarskeiðið verður bert koppsett á einum av apotekunum hvørja viku. Tað merkir, at eina viku verður koppsett í Klaksvík, vikuna eftir verður koppsett í Runavík og so í Havn vikuna eftir.
Koppsett verður sostatt á hvørjum einstøkum apoteki triðju hvørja viku allan juli og august mánaða.
- Norðoya Apotek koppsetir í viku 26, 29 og 32.
- Eysturoyar Apotek koppsetir í viku 27, 30, og 33
- Tjaldurs Apotek koppsetir í viku 28, 31 og 34
Koppsett verður ymiskar dagar í vikuni, so fólk verða biðin um at kunna seg inni á korona.fo eftir tøkum tíðum.
Um tú veitst okkurt, sum VP ikki veit - skriva so til vp@vp.fo
