Síggji at umboð fyri Javnaðarflokkin nú ynskja ognarskatt í Havn fyri ávís hús og eigarar.
Men trupuleikin við javnaðarflokkinum og sosialistum annars er, at teir hinprast ikki við at leggja skattir og avgjøld á borgarar og vinnuna. At brúka peningin hjá øðrum er teirra fremsta mál.
Og byrjar Javnaðarflokkurin við Heðini Mortensen á odda fyrst at taka ognarskatt frá onkrum pørtum, so er tað skjótt at allir borgarar, sum eiga sethús í Tórshavnar Kommunu skulu rinda ognarskatt í dýrum dómum.
Eg og Fólkaflokkurin fara ONGANTÍÐ at góðtaka ognarskatt. Longri er tann søgan ikki.
Tí er tað ikki bara eitt NEI, men eitt KORTANEI til ognarskatt í Tórshavnar kommunu, hvørki nú ella nakrantíð.
Minnist til hetta góðu veljarar.
Birgir Nielsen
Valevni fyri lista A til býráðsvalið í Tórshavnar Kommunu
Um tú veitst okkurt, sum VP ikki veit - skriva so til vp@vp.fo
