Sambært D&V í kvøld, so eru lokalfeløgini hjá Fólkaflokkinum í Havn og í Klaksvík samd um, at Beinir Johannesen og Sólvit Nolsøe skulu í landsstýrið.
Men hvørji málsøki teir báðir skulu umsita í landsstýrinum, hevði D&V ikki nakað boð uppá.
Eitt er at lokalfeløgini hava síni uppskot til landsstýrissess, annað er hvat tingmanningin hjá Fólkaflokkinum heldur.
Um so er, at Beinir Johannesen verður landsstýrismaður, so kemur Annika Olsen aftur á ting.
Og sambært D&V, so hevur Fólkaflokkurin sligið seg til tols við tað, og verður lagnan hjá Anniku Olsen so avgjørd á komandi landsfundinum hjá Fólkaflokkinum, sum verður einaferð í nýggja árinum.
Sambært gitingunum hjá D&V, so er akkurát líkamikið, hvat Fólkaflokkurin ger, hvørjar kombinasjónir og loysnir so verða valdar, so endar Annika Olsen aftur á tingi sum varafólk hjá Fólkaflokkinum.
Um tú veitst okkurt, sum VP ikki veit - skriva so til vp@vp.fo
