Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tónleikur

Á Nýggjárskonsertini framførir Føroya Symfoniorkestur við kóri stórbæra verkið "Schicksalslied" hjá Johannes Brahms.

Hetta háromantiska verkið er tónlistaliga dramatiskt, men teksturin er ikki minni dramatiskur.

Hóast tónleikurin sjálvandi kann njótast í sjálvum sær, gevur teksturin eina eyka dimensión til verkið, og tí havi eg valt at týða yrkingina til føroyskt, so allir føroyingar kunnu fáa innlit í hendan serstaka, heimspekiliga skaldskap hjá Friedrich Hölderlin. 

Týðingin (sí niðanfyri) tekur atlit til vøkru tulkingina hjá Brahms.

Sámal Matras Kristiansen

---
Tit vála ljósum heimi í
á mjúkum skýggjum, sælastu andar!
Glitrandi gudalot
brá kína lætt,
eins og fingrar leikandi
heilagu streingir.

Lagnuleys, sum eitt sovandi
nýføtt barn, anda tit himmalsku;
vardar, ósekar
úr smáum sprotum
andans blómur
spretta alla tíð,  
og tey friðsælu eygu
skoða við kvirrum
ævigum skygni.

Tó okkum er givið
á ongum staði hvíld á jørð;
vit hvørva, vit fella,
vit líðandi menniskju á foldum,
blindað frá eini
løtu til aðra,
sum vatnið at klettum
so froðandi fossar
óvist í øldir oman av trom.

Um tú veitst okkurt, sum VP ikki veit - skriva so til vp@vp.fo