Flag er nú lagt á nýggju tyrvingarstøðina hjá IRF á Nýggjheiðum í kvívíkshaganum, har burturkast til tyrvingar úr øllum landinum verður savnað í framtíðini.
J&K Petersen ger arbeiðið, sum byrjaði í 2019 og hevur verið nakað seinkað av eitt nú koronafarsóttini.
Fyrsta byggistig umfataði tyrving av tilfari, sum ikki kann brennast ella endurnýtast. Annað byggstig umfatar móttøku, viðgerð og tyrving av rottangaevju.
Samlaði kostanaðurin verður um 100 milliónir krónur, og arbeiðið skal eftir upprunaligu ætlanini verða liðugt áðrenn ársenda.
Um tú veitst okkurt, sum VP ikki veit - skriva so til vp@vp.fo