Onnur tíðindi
Uttanríkismálaráðharrin í Russlandi, Sergej Lavrov, avvísur at Vladimir Putin er sjúkur. Sambært Lavrov eru eingi tekin um tað.
Bæði heilsan hjá Putin og privatlív hansara eru evni sum ongantíð verður tosað um í Russlandi.
– Eg haldi ikki at fólk sum eru við síni fullu fimm, síggja nøkur tekin um sjúku ella pínu hjá hesum persóninum, svaraði Lavrov á spurning frá franska kringvarpinum TF1. Lavrov undirstrikaði eisini, at Putin, sum nærkast teimum 70, sæst alment «dagliga».
– Tit síggja hann á skerminum, lesa og hoyra hansara talur, segði Lavrov sambært NRK.
Um tú veitst okkurt, sum VP ikki veit - skriva so til vp@vp.fo
