Í morgin verður hann fyrst landsynningur, seinni beinur eystan, lot til frískan vind, sól ein stóran part av degnum og hitin um 7 stig.
Týsdagin ímillum eystan og landnyrðing, strúkur í vindi, yvirhøvur turt og kaldari, niður í 3 stig.
Mikudagin frískar hann sum frálíður vindin av landsynningi, ímóti kvøldi hvassur vindur, okkurt ælstroyggj og lýggjari aftur, um 8 stig.
Hósdagin byrjar dagurin við framhaldandi nógvum vindi av landsynningi, men um middagsleitið er vindurin blivin burtur og tað verður bara eitt fleyr, sólglottar men eisini møguleiki fyri onkrum æli og hitin um 7 stig.
Fríggjadagin lot til frískt lot av landsynningi, skýggjað og okkurt æli, hitin uppí 9 stig.
Næsta vikuskifti verður hann landsynningur og sunnan í ættini og tað fer at regna, serliga sunnudagin.
Um tú veitst okkurt, sum VP ikki veit - skriva so til vp@vp.fo
