Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Framsýningar

Fríggjadagin 6. desember letur ein samantvinnað listaframsýning og jólasøla upp í Smiðjuni í Lítluvík.

Tað eru tær tríggjar, Tove Askham, Ann-Mari Dam og Johanna Askham, ið sýna fram. Tove við grafikki og tekningum, Ann-Mari við grafikki og klippum og Johanna við heimabundnum skóleistum og vøttum til børn.

Eisini er ymiskt heimagjørt jólaprýði við á framsýningini. Fyri eitt listafólk er tað gott at kunna hvíla frá listini eina løtu og brúka listagávurnar at spæla sær við at gera ting sum t.d. jólapynt, kort o.t., og tað setur eisini ein serligan jóladám á eina desember-framsýning. Johanna hevur harumframt gjørt karamellur, bæði vanligar og laktosufríar.

Listaframsýningin/jólasølan letur upp fríggjadagin kl. 15, og annars er opið allar dagar frá kl. 15-19 uttan leygardag, tá er opið 11-16. Øll eru vælkomin, og sjálvandi verður ein góður drekkamunnur til gestirnar.

Um tú veitst okkurt, sum VP ikki veit - skriva so til vp@vp.fo