Síðani apríl hevur Litava sum fyrsta land í Europa ikki longur keypt natúrgass úr Russlandi. Og í dag gevst landið somuleiðis at keypa olju og el.
- Hetta er tí vit vilja standa saman við Ukraina í krígnum ímóti Russlandi, og eisini tí at vit vilja gerast óheft av innflutningi úr Russlandi. Vit vilja ikki vera við til at fíggja russisku krígsmaskinuna, sigur Dainus Kreivys, sum er orkumálaráðharri í Litava.
Russland hevur eisini hótt við at gevast við at selja gass og olju til fleiri lond, og Pólland og Bulgari eru longu koyrd á svartalista, tí tey vilja ikki gjalda við rublum. Í gjár gavst Russland at selja gass til Finnlands av somu orsøk.
Um tú veitst okkurt, sum VP ikki veit - skriva so til vp@vp.fo
