Politikkur
Tinganes: Løgmaður skal fríggjadagin hitta NATO-aðalskrivaran á NATO- høvuðsborgini í Brússel.
Á fundinum fara Bárður á Steig Nielsen og Jens Stoltenberg millum annað at umrøða trygdarpolitisku viðurskiftini um okkara leiðir. Eisini verður kunnað um áleikandi mál í NATO samstarvinum.
Bárður á Steig Nielsen er fjórði løgmaður í røðini, ið fær høvi at hitta ein NATO-aðalskrivara.
Í 2003 vitjaði Anfinn Kallsberg skotan George Robertson, í 2005 hitti Jóannes Eidesgaard hollendingin Jaap de Hoop Scheffer og í 2012 hevði Kaj Leo Holm Johannesen fund við Anders Fogh Rasmussen.
Um tú veitst okkurt, sum VP ikki veit - skriva so til vp@vp.fo
