Løgmálaráðharrin í deilstatinum New York saksøkir fyrrverandi amerikanska forsetan Donald Trump fyri svik, skrivar tíðindastovan Reuters.
Í ákæruritinum verða eisini Trump-organisasjónin og tey trý børnini hjá Donald Trump, Donald Trump Junior, Eric og Ivanka nevnd. Trump er ákærdur fyri í fleiri førum at hava svikað í sambandi við sína sjálvuppgávu frá 2011 til 2021, skrivar danska TV 2.
Nevnt verður eisini, at svikið er góðtikið frá ovastu leiðslu í Trump-organisasjónini og sostatt eisini av Donald Trump sjálvum, skrivar Reuters.
Trump’s conduct violated a state law against persistent and repeated business fraud, and also ‘violated a host of state criminal laws,’ New York Attorney General Letitia James said https://t.co/JKzzWiJVYq pic.twitter.com/1NBGTOKPVZ
— Reuters (@Reuters) September 21, 2022
Um tú veitst okkurt, sum VP ikki veit - skriva so til vp@vp.fo