Tyrlan var eftir manni umborð á Sjúrðarberg, sum hevði kleimt tveir fingrar.
Maðurin var fyrst flogin við tyrlu til Svalbard og haðani víðari við flogfari til Tromsø.
Rólvur í Norðnástovu, sigur, tá ið VP hevur ringt umborð, at hondin var illa kleimd.
Sjúrðarberg roynur í Svalbards-sonuni nú, og fiskiskapurin hevur verið brúkligur, sigur skiparin.
Rólvur í Norðnástovu roknar við, at teir fara skjótt at sigla heim.
Teir hava góð 300 tons, sigur hann.
Um tú veitst okkurt, sum VP ikki veit - skriva so til vp@vp.fo