Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tónleikur

Summar Festivalurin: Hátakuelli Magni Christiansen fer at spæla á Summar Festivalinum í ár, og hetta verður eisini útgávukonsert.

Magni Christiansen er kendur sum country- og gospelsangari, og hann dugir framúr væl at framføra á palli. Hann hevur gjøgnum árini givið nógvan tónleik út, og hann hevur verið íðin at spæla konsertir kring landið.

Í sambandi við konsertina á Summar Festivalinum gevur Magni Christiansen út nýggja útgávu – fløgu og vinyl – við 16 klassiskum countrysangum, sum eru innspældir í Írlandi. Fløgan eitur "I'm Just me" og á útgávuni eru nýggjar útsetingar av sangum sum "Detroit City", "Me and Bobby McGee", "Mama Tried", "Footloose" og "Railroad Bum". Útgávan verður tøk beint eftir konsertina í Klaksvík, og tá fáast eisini nýggjar t-troyggjur hjá Magna.

Magni Christiansen hevur væl mannaðan bólk við sær á festivalin. Í bólkinum spæla Bernhard Petersen (klaver), Sámal Pauli Højgaard Petersen (trummur), Eivin Christiansen (bass), Jónas Gaard (el-gittar), Filip Zachariasen (el-gittar), Fríði Sigmundson (kassagittar), Jóhanna Sofía Petersen (kór), Jensia Kjærbæk (kór), Ingrid Højgaard Petersen (kór).

Magni Christiansen og bólkur hansara fara at spæla klassiskar countrysangir, sum eru á nýggju útgávuni umframt aðrar sangir – eisini onkran eldri gospelsang.

Um tú veitst okkurt, sum VP ikki veit - skriva so til vp@vp.fo