Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Edva Jacobsen, løgtingskvinna, Maria Strøm Hentze, starvsnæmingur og Rósa Samuelsen

Edva Jacobsen, løgtingskvinna, Maria Strøm Hentze, starvsnæmingur og Reidar Nónfjall, floksskrivari hjá Sambandsflokkinum

Edva Jacobsen, løgtingskvinna, Maria Strøm Hentze, starvsnæmingur og Rósa Samuelsen

Edva Jacobsen, løgtingskvinna, Maria Strøm Hentze, starvsnæmingur og Rósa Samuelsen

Edva Jacobsen, løgtingskvinna, Maria Strøm Hentze, starvsnæmingur og Reidar Nónfjall, floksskrivari hjá Sambandsflokkinum

Sambandsflokkurin: Maria Strøm Hentze, sum er úr Hoyvík og gongur í Skúlanum við Løgmannabreyt í 9. flokki, var í dag fríggjadagin 18. mars í starvsvenjing hjá Sambandsflokkinum. Hon er glað fyri at hava fingið høvið at fáa vitan um Sambandsflokkin, politiska arbeiðið í flokkinum og sleppa at arbeiða við nøkrum uppgávum.

Gott við starvsvenjing fyri tey ungu
Tað er týdningarmikið og gott, at ungfólk fáa høvið at royna seg á arbeiðsmarknaðinum og harvið fáa innlit og eina fatan av, hvussu eitt arbeiðspláss virkar - í hesum føri eitt vitanartungt arbeiðspláss í politisku skipanini. Annars hevur hon eisini roynt ymisk fyrifallandi arbeiði eftir skúlatíð og í frítíðini.

Skipanin við starvsvenjing er nakað, sum bæði fyritøkur og almennir stovnar eiga at gera brúk av og taka sum nakað positivt og gagnligt fyri allar partar. Jú, fleiri fyritøkur og stovnar bjóða teimum ungu henda møguleikan, jú lættari er tað hjá teimum at velja tað arbeiðspláss, sum tey hava áhuga fyri og gevur góða meining í mun til onkrar framtíðarætlanir tey hava.

Undir øllum umstøðum og uttan mun til, hvat arbeiðspláss tey velja, so er tað gott og sunt at uppliva, hvussu onnur hava tað í sínum dagliga arbeiði.

Spennandi og áhugaverd arbeiðspláss
Maria hevur higartil verið í starvsvenjing í eina viku á Løgtingsskrivstovuni og skal vera eina viku afturat - í hesum tíðarskeiðnum hevur hon verið ein dag á floksskrivstovuni hjá Sambandsflokkinum á Gamla Apoteki. Hon heldur, at tað hevur verið áhugavert at hoyra um, hvussu samfelagið í høvuðsheitum er skipað og hvussu politiska skipanin við ymsu politisku flokkunum leiða og stýra samfelagnum - hetta umvegis lóggávu, reglur og umsiting innan tey ymsu málsøkini.

Maria er sera glað og nøgd, at tað eydnaðist henni at sleppa í starvsvenjing á hesum arbeiðsplássunum og fáa høvið at møta teimum dugnaligu starvsfólkunum, sum øll gera sítt til, at hesi arbeiðspláss eru vælvirkandi.

Edva Jacobsen, løgtingskvinna, Maria Strøm Hentze, starvsnæmingur og Reidar Nónfjall, floksskrivari hjá Sambandsflokkinum

Um tú veitst okkurt, sum VP ikki veit - skriva so til vp@vp.fo