Flokkurin hjá Marine Le Pen stendur til at gerast tíggju ferðir størri enn á seinasta vali.
Hennara høgra hond kallar úrslitið "ein tsunami," skrivar danska TV 2.
Franski forsetin Emmanuel Macron hevur mist sín meiriluta í Tjóðartinginum, og hansara kappingarneyti Marine Le Pen er stóri vinnarin á valinum, vísir eitt fyribils úrslit.
Ein fyribils prognosa vísir, at Marine Le Pen og hennara flokkur National Savning storma fram: Høgranationali flokkurin stendur at fáa okkurt millum 60 og 102 sessir. Í núverandi parlamentinum hevur flokkurin bert átta sessir, so valið kann enda við at flokkurin tíggjufaldast í parlamentinum, skrivar TV 2.
Um tú veitst okkurt, sum VP ikki veit - skriva so til vp@vp.fo
