Meksiko herðir nú bannið móti royking, so at tað í veruleikanum nú einans er loyvt at roykja heima hjá sær sjálvum ella í privatum høpi í latínamerikanska landinum.
Hetta skrivar BBC.
Síðan 2008 hevur tað ikki verið loyvt at roykja í skeinkistøðum ella matstovum í Meksiko, men nú verður hetta bannað víðkað til eisini at umfevna øll almenn støð í landinum, herundir eitt nú parkir og strendur.
Tað verður heldur ikki loyvt at lýsa fyri sigarettum á nakran hátt, og sýtt verður harumframt fyri, at sigarettpakkar standa frammi í handlunum.
Mett verður, at meksikanski forboðspolitikkurin móti royking telist millum heimsins strangastu.
Um tú veitst okkurt, sum VP ikki veit - skriva so til vp@vp.fo