Í morgin, mánadagin, upp í hvassan vind av útsynningi, sólglottar men eisini okkurt æli, hitin um 10 stig.

Týsdagin minkar vindurin sum frálíður niður í lot til frískan vind, sól tað mesta av degnum og turt, hitin 8-10 stig.

Mikudagin bert ein ond millum vestan og sunnan, sólglottar fyrrapartin, seinni meira samdrigið, hitin 8-10 stig.

Hósdagin mestsum stilli, kanska eitt gul sunnaneftir, fyrst smáskýggjað seinni sær sólin, hitin millum 8 og 12 stig.

Fríggjadagin sama góðveður men móti kvøldi trilkar hann vindin nakað, sólglottar og hitin 10-12 stig. 

Næsta vikuskifti gul av lágættum, mest skýggjað tó onkrir sólglottar og hitin um 10 stig.