Dómstólur í Haag hevur dømt tveir russarar og ein ukraina fyri niðurskjótingina av Malaysia Airlines-flogfarinum í 2014. Ein fjórði persónur var fríkendur, skrivar NRK.
MH17-flogfarið hjá Malaysia Airlines var skotið niður 17. juli 2014 yvir Eystur-Ukraina. 298 fólk lótu lív, millum teirra 196 niðurlendingar.
Igor Girkin, Sergej Dubinsky og Leonid Kharsjenko eru dømdir lívlangt fongsul. Oleg Pulatov var fríkendur.
Rættarmálið byrjaði í 2020, eftir fleiri ár við kanningum hjá einum altjóða kanningartoymi leitt av Niðurlondum.
Ukrainska stjórnin hevur lovað 100.000 dollarar til tann sum megnar at taka Girkin, skrivar NRK.
Um tú veitst okkurt, sum VP ikki veit - skriva so til vp@vp.fo