Nú bæði fólkatings- og løgtingsval verða innan 18 mánaðir er tíðin so smátt komin til politisku fundirnar, og næsta mikudag klokkan 19 skipar Miðflokkurin fyri fundi á Parnassinum á Hotel Hafnia.
Jenis av Rana, Landsstýrismaður og Løgtingsmennirnir hjá Miðflokkinum Bill Justinussen og Steffan Klein Poulsen, koma á fundinum at viðgera aktuellu politisku støðuna.
Undirsjóvartunnil til Suðuroyar er nógv umrøddur í hesum døgum, og tí sambandi hava Mourits Joensen og aðrir gjørt eitt alternativt uppskot um hetta mál. Teirra uppskot verður lagt fram á fundinum.
Sum vant verður byrjað við sangi og Svenning av Lofti, kemur at hava eitt stutt orð.
- Borðreitt verður við kaffi og onkrum leskiligum at smyrja góman við og øll eru hjartaliga vælkomin, siga fyrireikararnir.
Um tú veitst okkurt, sum VP ikki veit - skriva so til vp@vp.fo