Norskir miðlar skriva, at Frederikstad úr næstbestu norsku deildini í dag fer at kunngera, at Mikkjal K. Thomassen verður nýggjur venjari hjá felagnum, skrivar Bolt.fo.
- Eftir átta framúrskarandi ár við ógloymandi upplivingum enda KÍ og høvuðsvenjarin samstarvið, sum annars skuldi ganga fram til og við 2025, skrivar KÍ á síni heimasíðu.
- Mikkjal hevur javnan fingið boðið útlenskt venjarastarv, og nú hevur eitt útlenskt felag við fríkeypsklausuli loyst hann úr sáttmálanum við KÍ.
- Við tøkk fyri tað ómetaliga stóra arbeiðið í gjøgnum hesi átta árini ynskir KÍ Mikkjali bestu eydnu við næstu avbjóðingini.
- KÍ er farið í holt við tilgongdina at seta nýggjan høvuðsvenjara. Málið er at seta ein vælskikkaðan leiðara við fakligum fótbóltsroyndum á høgum stigi. Hetta skal gerast við nærlagni og tekur tað tíð, sum krevst, skrivar KÍ.
Um tú veitst okkurt, sum VP ikki veit - skriva so til vp@vp.fo
