Seinastu dagarnar hevur MEGD víst á stóra tørvin á bústøðum til fólk, ið bera brek. Og vóru tey úti við at innan 10 ár hava 503 fólk í Føroyum, ið bera brek, tørv á at flyta í egnan bústað.

Hettar er eitt stórt tal av fólki, og eigur hendan fráboðanin frá MEGD at takast í størsta álvara.

Takk fyri MEGD at tit so væl lýsa trupulleikan.

Eg havi lisið og granskað hettar mál eitt sindur, og um eg fái ávirkan, so er hettar avgjørt eitt mál sum ferð skal setast á beinanvegin, bústaðar trupulleikin loysast sum skjótast.

Fólk, ið bera brek hava avgjørt síni rættindi í okkara vælferðasamfelag, tað er okkara skylda, sum bjóða okkum fram til løgtingsvalið, at taka hond um júst hendan trupulleikan.

Tí er tað gleðiligt at Fólkaflokkurin ynskir framhaldandi at stuðla bústaðarbygging til fólk við serligum tørvi, og hava í okkara stevnuskrá at komandi 2 árini, skulu í minsta lagið 100 nýggir bústaðir byggjast.

So við Fólkaklokkinum á odda, so kemur ferð á hesa bústaðarbyggingina.

Bústaðir hevur fingið neyðugu játtanina, men nú skal ferð setast á, og nú skal gongd koma á at byggja, soleiðis at vit uppá 2 ár hava minst 100 nýggjar bústaðir, júst til fólk við serligum tørvi.

Hettar er nakað sum eg ynski at fremja í verki, og vóni tí at eg fái tín stuðul, soleiðis at eg kann verða tín rødd, og fremja ítøkiligar loysnir innan hettar økið.

Set X við Dánial Hansen

Valevni fyri Fólkaflokkin