Rættuligt rok hevur valdað í Iran síðani síðani ein 22 ára gomul kvinna doyði ímeðan hon var í varðhaldinum hjá tí illa gitna moralpolitinum. Kvinnan var sett føst, tí hon noktaði at fjala hárið tá hon var úti í almenninginum, sum lógin annars fyriskrivar.
Fólk í Iran siga, at kvinnan doyði tí hon var illa viðfarin. Myndugleikarnir siga, at hon doyði av einum hjartatilburði, men familjan hjá kvinnuni sigur, at hon ongantíð hevur havt hjartatrupulleikar.
Nú eru minst 50 fólk deyð í uppreistrinum. Í minst 80 býum hava fólk gingið í mótmælisgongum.
Fólk livað eitt sera avmarkað lív í muslimska landinum, eitt nú hava tey bert atgongd til ein lítlan part av internetinum.
Um tú veitst okkurt, sum VP ikki veit - skriva so til vp@vp.fo