Moskva hevur ávarað USA um, at tað kann elva til eitt fullkomið slit á øllum diplomatiskum sambandi ímillum londini, um USA fer at leggja hald á fleiri ognir hjá Russlandi.
Tað hevur verið frammi, at hald skal leggjast á russiskar ognir í USA, og pengarnir brúkast til at endurbyggja Ukraina. Men tað hóvar ikki russum, sum eisini siga, at USA gerst ein alsamt størri og størri partur av sjálvum stríðnum gjøgnum stuðulin til Ukraina.
Russiska tíðindastovan TASS endurgevur Alexander Darchiev úr russiska uttanríkisráðnum fyri at siga, at um USA ætlar at eyðmerkja Russland sum ein yvirgangsstat, so fær tað álvarsligar diplomatiskar avleiðingar.
- Og tað tænir hvørgum parti, ávarar hann.
Um tú veitst okkurt, sum VP ikki veit - skriva so til vp@vp.fo